Andrea Marazzini Իտալական զարդերի այս գլուխգործոցները ստեղծվում են համանուն Andrea Marazzini վարպետի կողմից: Յուրաքանչյուր զարդի պատրաստման ընթացքում նա ձեռքով պտտելով մետաղը ստեղծում է ժամանակակից նորաձևությանը համահունչ գլուխգործոցներ: Զարդերն ունեն հնարավորություն ճկվելու ըստ մատի չափսի և ձեռքի լայնության: Մետաղը ռոդիումապատ կամ ոսկեպատ արույր է (brass/латунь): Արույրը պղնձի (63%) հիմքի վրա երկու կամ ավելի բաղադրիչներից ստացված համաձուլվածք է, որում գերակշռող հիմնական տարրն է հանդիսանում ցինկը` 37%: Ապրանքանիշն ունի համագործակցություն հանրաճանաչ Swarovski ապրանքանիշի հետ, այդ իսկ պատճառով զարդերը համադրված են սերտիֆիկացված Swarovski բյուրեղներով, ինչպես նաև իտալական ապակիով (Murano) և բնական քարերով: Որպես հիմք այն բանի, որ քարերը իրապես Swarovski բյուրեղներ են, յուրաքանչյուր զարդի հետ Swarovski ապրանքանիշի կողմից տրվում է քարի օրիգինալությունը հաստատող սերտիֆիկատ։

Arzo Selucci Arzo Selucci –ն հանդիսանում է նորարարական արծաթյա զարդերի շուկայի ամենահաջողակ ապրանքանիշերից մեկը: Այն հիմնադրվել է 1998 թվականին հայ վարպետ Շանթ Արզումանյանի կողմից: Յուրաքանչյուր Arzo Selucci զարդ պատրաստվում է ստեղծագործ արհեստավորի կողմից` անցնելով 8 բարդ արտադրական փուլ: Զարդերի պատրաստման համար օգտագործվում է 100% սերտիֆիկացված արծաթ, ինչպես նաև քարեր, որոնք անցնում են բարձրորակ մշակում: 925 հարգի արծաթյա զարդերը լինում են ոսկեպատ (Gold plated), վարդագույն ոսկեպատ (Rose gold plated) կամ ռոդիումապատ (Rhodium plated): Բնական տեսքը պահպանելու համար խորհուրդ է տրվում զերծ պահել ջրի և օծանելիքի հետ շփումից, քանի որ դրա արդյունքում վնասվում է մետաղը, իսկ քարերը կորցնում են իրենց փայլը:

Davidt’s 1949 թվականից ի վեր Davidt’s ապրանքանիշը շուկայում առաջնային դեր է ունեցել ճանփորդական պարագաների արտադրության մեջ: Նույն թվականին բացելով առաջին վաճառասրահը, Jean Davidts-ը արագորեն ընդլայնում է իր գործունեությունը և սկսում ստեղծել կաշվե պայուսակներ և զարդերի տուփեր: Ընդլայնելով այդ ճյուղերը, այսօր Davidt’s ապրանքանիշը առաջարկում է կանանց և տղամարդկանց համար նախատեսված զարդերի և ժամացույցների բարձրորակ և նրբաճաշակ տուփեր, որոնց մեծամասնությունը էկո կաշի է (կաշվե բարձրորակ փոխարինողներ), իսկ մյուս մասը` բնական կաշվից են:

Della Rovere Ավելի քան 15 տարի Մոնդավիոյում Della Rovere ապրանքանիշը իր զարդերի մեջ արտացոլում է նորաձևության վերջին տենդենցների երանգներն ու սենսացիաները: Անվերջանալի և միշտ յուրօրինակ ձևերով 925 հարգի արծաթյա զարդեր, որոնք համադրված են կիսաթանկարժեք և թանկարժեք  բնական քարերով: Ընկերության լաբորատորիաներում ստեղծված զարդերի դիզայնին լրացնում են գունային շքեղ և արտասովոր համադրություններ, որոնք նրբորեն օգնում է յուրաքանչյուր կնոջ արտացոլել իր ճաշակը զարդերի միջոցով:

Free Style Free Style ապրանքանիշը առաջարկում է առօրյա զարդեր կանանց և տղամարդկանց համար` պատրաստված բժշկական պողպատից (Stainless steel/ нержавеющая сталь): Զարդերը հակաալերգիկ են և ենթակա չեն գունաթափման, որի համար ապրանքանիշը տրամադրում է 1 տարի ժամկետով երաշխիքային կտրոն: Ապրանքանիշն առաջարկում է զարդեր հիմնական 3 երանգավորմամբ` արծաթագույն (Steel), ոսկեգույն (Gold plated), վարդագույն ոսկեպատ (Rose gold plated): Մետաղի ոսկեգույն կամ  այլ երանգավորումը (կապույտ, սպիտակ, սև...) հատուկ ծածկույթ է (PVD), որը մետաղի մակերևույթը ավելի ամուր է դարձնում և վակումային համակարգի միջոցով երանգավորում և փայլ է հաղորդում զարդին  :